Müğənni Rəqsanə İsmayılovanın kiçik qızı, müğənni Yağmur salonda işə başlayıb.
xeberde.az xəbər verir ki, o bu haqda sosial media hesabında yazıb:
“Artıq bir ildən çoxdur ki, administrator kimi çalışıram. Anam da işimi bilirdi və bununla fəxr edirdi, çünki mən öz istəyimlə işləməyə qərar vermişdim.
Hazırda mən gözəllik salonunda baş administratoram. Bu yerə heç kimin köməyi olmadan, tamamilə öz zəhmətimlə çatmışam, çünki ayaq üstə dayanmaq, öz gücümlə irəliləmək istəyirdim.
Mən supermarketdə işləmirəm, geyim satmıram — mən prestijli bir gözəllik salonunun baş administratoruyam. Mən anamın həyatında baş verən bu dəhşətli hadisədən əvvəl işləyirdim. Bu o demək deyil ki, mənim maliyyə vəziyyətim pisdir.
İşləmək ayıb deyil — ayıb olan işləməmək və valideynlərin boynunda oturmaqdır. Məni heç kim tərk etməyib — bacım, anam və atam hər zaman yanımdadırlar.
Mən heç vaxt supermarketdə və ya mağazada işləyən insanları təhqir etməmişəm və bu cür insanlara böyük hörmətlə yanaşıram. Sadəcə, məni narahat edən odur ki, bəzi insanlar mənim haqqımda ağlasığmaz sözlər uydurublar.
Postlarımın altında “o ölür”, “hamı onu tərk edib” kimi şərhlər yazılır — xahiş edirəm, artıq bu mövzunu böyütməyin.
Belə yazılar nə doğru, nə də hörmətlidir”.
Qeyd edək ki, Rəqsanə Cinayət Məcəlləsinin 178.4-cü (dələduzluq-xüsusilə külli miqdarda törədildikdə) maddəsi ilə ittiham olunur.
