Xəbər verildiyi kimi, “Crocus Group” şirkətinin təsisçisi 70 yaşlı azərbaycanlı iş adamı Araz Ağalarov 40 illik evliliyindən sonra İrina Ağalarovadan boşanıb və 27 yaşlı sevgilisi Alena İvanova ilə gizlicə evlənib.
Hətta onların bir uşağı da var. İş adamının seçdiyi xanım haqqında az şey məlumdur: o, diqqətdən yayınmaq üçün gizli həyat tərzi sürür, Ağalarovun soyadını götürüb və sosial media hesablarını bağlayıb. Lakin yeni evlənənlərin birgə fotosu internetdə yayılıb.
xeberde.az xəbər verir ki, bu haqda Rusiya KİV-i məlumat yayıb. Bildirilib ki, Ağalarov uzun müddətdir xanımı ilə boşanıb.
Şəkildə cütlük Bakıda keçirilən DREAM Fest beynəlxalq musiqi festivalında restoran masasında görünür. Araz Ağalarovun gənc həyat yoldaşı qara don geyinib. Alena dizində körpə tutur və yaxınlıqda başqa bir uşaq var.
Qeyd edək ki, Araz Ağalarov və İrinanın birgə nikahdan Emin və Şeyla adlı övladları var.
