Rusiya ordusu Xersonda məscidi atəşə tutub.
xeberde.az xəbər verir ki, bu barədə Xerson Regional Hərbi Administrasiyası məlumat yayıb.
Bildirilib ki, Rusiya ordusunun Xersondakı müsəlman dini icmasının məscidinə hücumu nəticəsində binada pəncərələr sınıb, fasad və daxili otaqlar zədələnib.
“Müsəlmanlar üçün müqəddəs Ramazan ayında belə Rusiya tərəfi bir daha açıq şəkildə göstərir ki, onlar üçün dini dəyərlər heç bir əhəmiyyət daşımır”, – deyə açıqlamada qeyd edib.
Hadisə zamanı xəsarət alan olmayıb.
Ukraynada 90 mindən çox insan itkin düşmüş kimi siyahıya alınıb. Bunlara həm hərbi qulluqçular, həm də mülki şəxslər daxildir. Bunu itkin düşmüş şəxslərlə iş üzrə səlahiyyətli Artur Dobroserdov deyib.
